ငါ့ကို ဘိုဘွားရိပ်သာ ပို့ပေးပါ

🌓၁၉၉၁ ခုနှစ်
------------*-*

" သားကြီး ကျောင်းသွားတော့မှာလား "
" ဟုတ်ကဲ့ဖေဖေ "
"စာကြိုးစားတဲ့ သားကြီးကို မုန့်ဖိုးအများကြီး ပေးရမှာပေါ့ကွ "
" အဖေကြီး ....ရှင့်သားကို ကျွန်မ. မုန့်ဖိုးပေးပြီးသားလေ. တော်ရဲ့"
"ဟာ... မင်းပေးသလို ငါလည်း ပေးရမှာပေါ့ကွ၊ ငါ့သားကြီးက. စာတော်တဲ့သားကွ "
" ရော့ ..သားကြီးအတွက် မုန့်ဖိုး။ ဒါက. အဖေပေးတာနော်"

x
🌓၂၀၀၂ ခုနှစ်
-------------

"သားကြီးရေ၊ သားကြီး "
"မင်းအတွက်  စပို့ရှပ်လေး ဖေဖေ ဝယ်လာတယ် "
"သားကြိုက်တဲ့  အပြာနုရောင်လေးပဲ၊ လိုက်မလိုက်  ဝတ်ကြည့်စမ်းပါဦးကွ "
" ငါ့သားကြီး  တက္ကသိုလ် ကျောင်းသားကြီးတောင်  ဖြစ်ပြီးဆိုတော့
အကျီၤၤၤ ကောင်းကောင်းလေးတွေ လိုမှာပေါ့၊ ဖေဖေ နောက်လည်း  ဝယ်လာခဲ့မယ် "
" အဖေကြီး....ရှင့်ပုဆိုးက. စုတ်နေပြီးလေ"
" သားကြီးမှာက.  အကျီၤကောင်းတာတွေ အများကြီး ရှိသေးတာပဲ တော်ရယ်"
" ရှင့်အတွက် ပုဆိုးကို ဝယ်မလာပဲ ဘာလို့ သူ့အတွက် ဝယ်လာရတာလဲရှင်"
" ငါ့ပုဆိုးက. လှည့်ဝတ်ရင်  အဆင်ပြေပါတယ်ကွာ။ ဘာမှ မဖြစ်ပါဘူး "
" မင်းသိလား....ငါ့သားကြီး  ပညာတတ်ဘွဲ့ရ၊ အလုပ်ကောင်းကောင်း ရတဲ့အခါ  ငါ့ကို ပုဆိုးတွေ ဒါဇင်လိုက် ဝယ်ပေးမှာကွ။
အဲ့ဒီတော့မှ မင်း ငါ့ကို ငေးကြည့်ရမယ် "
" အေးပါတော် ....။ ရှင်ပဲ ပြောတော့။ ရှင်ပဲ  ပြောတော့"

x
🌓၂၀၁၂ ခုနှစ်
-------------

"မိန်းမရေ....ငါ့သား ချစ်သူက အချောလေးပါလားကွ"
" ပိုက်ဆံလည်း ချမ်းသာတယ်ဆိုတော့ ငါတို့ဘက်ကလည်း တခုခုတော့  လုပ်ပေးဖို့ လိုတာပေါ့။ နောက်မဟုတ်ရင်  ငါ့သားကြီးခမျာ မျက်နှာငယ်ရရှာမှာ"
ငါတို့နေတဲ့မြေက....တို့အဖိုးအဖွားကြီးနှစ်ယောက်အတွက်  ကြီးမနေဘူးလားကွ"
" ပေ ၄၀ထဲက ပေ ၂၀ကို ထုတ်ရောင်းပြီး သားကြီးမင်္ဂလာဆောင်အတွက်  သုံးပေးလိုက်ရင်ကောင်းမယ်နော် မိန်းမ။ သူလည်း တော်တော် ပျော်ရှာမှာ"
" ရှင့်ကိုတော့ ကျွန်မ မပြောတော့ဘူး။ ရှင့်သားကြီးအတွက်ဆိုရင်  ကျွန်မကိုပါ  ရောင်းစားပေမလား...မသိဘူးတော်။ ရှင့်သဘော၊ ရှင့်သဘော"

x

🌓?၂၀၁၄ ခုနှစ်
-------------

(က)
" ဟလို.....သားကြီးလား...ဖေဖေပါ"
"ဖေဖေ. အသုံးစရိတ်ပြတ်နေလို့
ဖေဖေ့ကို ငွေနည်းနည်းလောက် ပေးပါလား...သားကြီးရယ်"
"ဟာ... ဖေဖေကလည်းဗျာ "
"ပြီးခဲ့တဲ့ လတုန်းကပဲ ဖေဖေ့ကို ငွေသုံးသောင်း ပေးထားသေးတယ်မဟုတ်လား "
ဟုတ်တယ်သားကြီးရဲ့.....
ဖေဖေ. ဆေးဝယ်သောက်နေရလို့ ငွေက သိပ်အသုံးမခံဘူးကွယ်"
" မင်းမေမေ. မရှိကတည်းက
ဖေဖေ့  ကျန်းမာရေးလည်း  သိပ်မကောင်းတော့ဘူး   သားကြီးရယ်"

(ခ)
" သားကြီးတို့ လင်မယားပါလား....ဘယ်ကလှည့်လာတာလဲ"
"ကျွန်တော်...
ဟိုဘက်ရပ်ကွက်ထဲ  ကိစ္စတစ်ခုနဲ့လာရင်း  ကြုံလို့ ဝင်လာတာပါ ဖေဖေ"
" ဒါဆို သားကို ပြောစရာရှိတာနဲ့ အတော်ပဲ"
"သားမလာရင် သားဆီဖုန်းဆက်ပြီး ပြောမလို့"
" သားကြီး...ဖေဖေ.မျက်မှန်က. သိပ်ကြည့်လို့. မကောင်းတော့ဘူး"
"ဖေဖေ ပါဝါတိုးရမလား မသိဘူး"
" သားကြီး အဆင်ပြေရင်
ဖေဖေ့ကို  မျက်စိဆေးခန်းခေါ်သွားပြီး  မျက်မှန်လေး လဲပေးပါလား သားကြီးရယ်"
" ဖေဖေကလည်း ....မျက်မှန်ကအကောင်းကြီး  ရှိသေးတာပဲကို"
" ကျွန်တော်လည်း အခုက မအားသေးဘူး"
"ဖေဖေ့မြေးက. ဖာလူဒါ သောက်ချင်တယ်ဆိုလို့ သွားတိုက်ရအုံးမှာ"
" ဒီလိုလုပ်လေ.... ကျွန်တော် အားတဲ့တစ်နေ့. ဖေဖေ့ကို လာခေါ်မယ်လေ"

(ဂ)
" သားကြီးရေ "
"ဖေဖေ့ ကျန်းမာရေး သိပ်မကောင်းတော့ဘူးကွယ် "
" နေလို့ ထိုင်လို့လည်း  သိပ်မကောင်းဘူး။ အမောလည်း  ခဏခဏဖောက်နေတယ်။"
" သားကြီး အဆင်ပြေရင်  သားကြီးအိမ်မှာ ဖေဖေ့ကို ခေါ်ထားပါလား"
"သားကြီးအိမ်မှာ ဖေဖေလိုက်နေရမယ်ဆိုရင် မြေးလေးမျက်နှာကို ကြည့်ရရုံနဲ့တင်  ဖေဖေ့ကျန်းမာရေး တစ်ဝက်  သက်သာပါပြီး"
"ဟာ....ဖေဖေအဲဒါတော့ အဆင်မပြေဘူးဗျ"
" ကျွန်တော့မိန်းမက အိမ်မှာ သက်ကြီးရွယ်အိုတွေ နေတာ သဘောမကျဘူး"
" အဲဒါကြောင့်  သူ့အဖေ သူ့အမေကိုတောင် ခေါ်မထားဘူး"
" ကျွန်တော်လုံး၀ အဆင်မပြေလို့ပါ ဖေဖေ။ ကျွန်တော့ကို နားလည်ပေးပါ"
x

🌓၂၀၁၅ ခုနှစ်
-------------

လူဆိုတဲ့ သတ္တဝါဟာ ကိုယ်စိုက်ခဲ့တဲ့ အသီးကို မစားရရင်တောင်
အရိပ်ကလေးတော့ခိုချင်ကြတာ
သဘာဝပါ သားကြီးရယ်။ သားကြီးအတွက်  ဝန်ထုပ်ဝန်ပိုး ဖြစ်မှာစိုးလို့
ဖေဖေ့ဆန္ဒနဲ့ ဖေဖေကိုယ်တိုင် ဆုံးဖြတ်ပြီး 
ဘိုးဘွား ရိပ်သာမှာပဲ သွားနေဖို့
အသင့်ဖြစ်ပါပြီး။ သာကြီးတို့မိသားစုဘဝလေး အေးချမ်းသာယာပါစေ။
ခလုတ်မထိ  ဆူးမငြိပါစေနဲ့လို့. ဖေဖေဆုတောင်းခဲ့ပါတယ်
်သားကြီးရယ်။

🌓 ၂၀၁၆ ခုနှစ်
-------------

ဘိုးဘွာရိပ်သာတစ်ခု၏  ကုတင်နံပတ် (၁၃)ရှိ  အဘိုးအိုတစ်ဦး၏ မျက်ဝန်းမှ   မျက်ရည်တို့ တသွင်သွင်  စီးကျနေသည်ကို  စာဖတ်သူတို့ မြင်တွေ့ရပါလိမ့်မယ်။
ထိုအဖိုးအို ဘာတွေ တွေးပြီး၊ အဘယ်ကြောင့်  ငိုကြေးနေရှာသလဲဆိုသည်ကိုလည်း  စာဖတ်သူတို့. နားလည်သဘောပေါက်ကြမည်ကို   ကျွန်တော်အသေချာ  သိပါသည်။

Credit: မင်းခလူ