၁ ။ အိုဖေါ် ( လင် မယား အို )
၂ ။ အို သိုက် ( နေအိမ် )
၃ ။ အို စာ ( ငွေကြေး )
၄ ။ အို ရေး ( ကျန်းမာရေး )
၅ ။ အို စိတ် ( စိတ်နေ စိတ်ထား )
ကျွန်တော်တို့အားလုံး အိုရမဲ့လူတွေကြီးကြီးပါ။
ခုမအိုသေးပေမဲ့ ဖတ်ထားရင် ကိုယ့်အတွက် ကာကွယ်ဖို့ ပြင်ဆင်ချိန်ရသလို၊ ကိုယ့် မိဘတွေအတွက် ဆန်းစစ် ဆင်ခြင်လို့ ရနိုင်ပါတယ်။
အကြံလည်းပေးလို့ရတာပေါ့၊အိုလာရင် ဘာတွေပြင်ဆင်ထားသင့်သလဲ၊ ဘာသာရေး ရူ့ဒေါင့်ကနေမဟုတ်ပဲ လက်တွေ့ ဘ၀ရူ့ဒောင့်ကနေ ဆွေးနွေးကြည့်ရအောင်.... ။
၁။ အိုဖေါ် : လင်အိုမယားအို
မေတ္တာကောင်းမွန်နေဖို့လိုပါတယ်။
အရင်တုန်းက ချစ်ခဲ့ကြပေမဲ့ အသက်ကြီးလာတော့ တစ်ယောက်မျက်နာ တစ်ယောက်ကြည့်မရတာမျိုး မဖြစ်သင့်ဘူး။
ယော့က်ျားက သားဘက်၊ မိန်းမက သမီးဘက် ပိုရပ်တည်တာမျိုး မဖြစ်ရဘူး။
ငယ်ရွယ်တုန်းက လင်မယားဆိုပေမဲ့ အိုလာရင် အဖေါ် မွန်ဖြစ်ဖို့၊ ရပ်တည်ချက်တူညီဖို့ အလွန်အရေးကြီးပါတယ်။
ငယ်ငယ်တုန်းကတော့ ယော့က်ျားပိုက်ဆံရှာ၊ ယော့က်ျား အင်အားကောင်းတော့ အပြင်မှာ ပွေချင်တိုင်းပွေ၊သောက်စားချင်တိုင်းသောက်စား၊ အိမ်ကမိန်းမကို ခိုင်းဖတ်လိုသဘောထားပြီး အော်လိုက်ငေါက်လိုက် လုပ်တဲ့ ယောက်ျားမျုိုးဟာ၊
အိမ်ထောင်သက် အနှစ် ( ၂၀ ) နောက်ပိုင်းမှာ သားသမီးတွေ ကြီးလာရင် သားသမီးများက အမေဘက်က ရပ်တည်တာ ခပ်များများဆိုတော့ အရင်က ခံခဲ့သမျှ ရန်ညိုး ပြန်ဆပ်ရတတ်တယ်။
ဒါကြောင့် ကိုယ်အသက်ကြီးတဲ့အခါ ကိုယ့်မိန်းမ ကိုယ့်ကို တကယ်ကောင်းစေချင်ရင် ကိုယ်က သူတို့အပေါ် အရင်ကောင်းထားရတယ်။
၂။ အိုသိုက် : နေဖို့ထိုင်ဖို့ အိမ်တစ်လုံး ရှိထားဖို့လိုပါတယ်။
အဲဒီအိမ်ကိုလည်း မသေမချင်း ထိမ်းထားဖို့လိုပါလိမ့်မယ်။
ကိုယ်က မကြာမှီသေတော့မယ်ဆိုပြီး စောစောစီးစီးထုခွဲပြီး အမွှေမခွဲပေးလိုက်နဲ့၊ကိုယ်နေဖို့ပျောက်သွားနိုင်တယ်။
မပျောက်သွားတာတောင်မှ သားသမီးမျက်နာ ( သို့ ) ချွေးမနဲ့ သမက်မျက်နာကြည့်ပြီး အသက်ရှင်ရတာ မတန်ဘူး။
၃။ အိုစာ : အိုစာမင်းစာကို ဆိုလိုပါတယ်။ ရွှေဖြစ်ဖြစ်၊ ပိုက်ဆံဖြစ်ဖြစ် ကိုယ့်အတွက် ကိုယ်ချန်ထားရတယ်။
သားသမီး စီးပွားရေးလုပ်ဖို့ အရင်းအနီး မရှိဘူးဆိုပြီး အကုန်ထုတ်မပေးလိုက်နဲ့၊
အားလုံးပေးလိုက်ရင် အိမ်ကဆင်းသွားရနိုင်တယ်။
အချစ်ရဲ့သဘာ၀ဟာ နောင်မျိုးဆက်ကိုပဲ ဆင့်ပွားပါတယ်။
သားသမီး ကို ချစ်တယ်ဆိုတာ သတ္တဝါတိုင်းရဲ့ မွေးရာပါ သဘာဝြဖစ်ပါတယ်။
မိဘကိုရိုသေတယ်ဆိုတာ ဘာသာရေးအဆုံးအမနဲ့ သွန်သင်ယူရတယ်။မွေးမြူယူရပါတယ်။အဲဒါကြောင့် မသေချာတတ်ဘူး။
မိဘများဟာ သားသမီး ( ၁၀ ) ယောက်ကို အပြုံးမပျက် ကျွေးမွေးနိုင်ပေမဲ့၊ သားသမီး (၁၀ ) ယောက်ဟာ မိဘ နှစ်ပါးကို ဆူပုတ်လောက်အောင်ကျွေးမွေးရတယ်ဆိုတဲ့
စကားပုံတစ်ခုကို ကြားဖူးပါတယ်။
ဒါကြောင့် မအိုသေးခင်မှာ ကိုယ့်အတွက် အိုစာချန်ပါ။
၄။ အိုရေး : အိုတဲ့အခါမှာ ရှိတဲ့ကျန်းမာရေးကို အတိုကောက်ရေးလိုက်တာပါ။
အိုလာရင် ကိုယ့်ကျန်းမာရေးကို ကိုယ်ဂရုစိုက်ရတယ်။
မနက်တိုင်းလမ်းလျှောက်တာမျိုး၊
အဖွဲ့လိုက်လေ့ကျင့်ခန်းလုပ်တာမျိုး
ပါ၀င်သင့်ပါတယ်။
ကောင်းကောင်းမလျှောက်နိုင်ရင်လည်း ၊ လှုပ်ရှားနိုင်သမျှ အတတ်နိုင်ဆုံး ကိုယ်လက်လှုပ်ရှားပေးသင့်ပါတယ်။
ကိုယ့်ရဲ့ ကျန်းမာရေးကောင်းမွန်ခြင်းဟာ ကိုယ့်အတွက်ပါမဟုတ် သားသမီးများအတွက်ပါ လဒ်တစ်ပါးဖြစ်ပါတယ်။
သူတို့ ကိုယ့်အတွက် သိပ်မပူရရင်
သူတို့အလုပ်ကို ကောင်းကောင်းမွန်မွန် လုပ်လို့ရတာပေါ့ ၊
၅။ အိုစိတ် : အိုလာရင် စိတ်နေစိတ်ထား မှန်မှန်ကန်ကန် ထားတတ်ဖို့လိုပါတယ်။
ကိုယ်အသုံးမကျတော့ဘူးဆိုပြီး မသိမ်ငယ်သင့်ပါဘူး။
သေခြင်းတရားကို တွေးတောပြီး ကြောက်မနေသင့်ပါဘူး။
မေ့မေ့လျော့လျော့ နေထိုင်သင့်ပါတယ်။ တစ်ရက်အသက်ရှင်ရင်
တစ်ရက်အမြတ်ပဲ၊ တန်အောင်အသက်ရှင်ရမယ် ဆိုတဲ့စိတ်မျိုး မွေးမြူ ရပါမယ်။
ကျန်းမာရေး အဆင်ပြေရင် အလှူပွဲတွေ၊ ကူညီမူ လှုပ်ရှားမူတွေ ဘာသာရေးပွဲတွေ ကိုယ်တတ်နိုင်တဲ့ဘက်ကနေပြီးတော့မှ ပါ၀င်လှုပ်ရှားသင့်ပါတယ်။
စိတ်ဓါတ်ရွှင်လန်းပြီး သန့်သန့် ပြန့်ပြန့် နေထိုင်သင့်ပါတယ်။
အသက်ကြီးသူများ အားလုံး ကျန်းမာချမ်းမြေ့ နိုင်ကြပါစေ။
Ref: WeChat
#Credit to Thandar Han .
No comments:
Post a Comment