ဖားတစ်ကောင်ဟာ ကင်းခြေများတစ်ကောင် လမ်းလျှောက်လာတာကိုမြင်တော့ဒီလိုစဉ်းစားမိပါတယ်။
"ငါ့မှာ ခြေနှစ်ချောင်း လက်နှစ်ဖက်ရှိတာတောင် လမ်းလျှောက်ရတာ ခက်ခဲတယ်။
တစ်ခါတစ်လေ ဘယ်ညာမှားပြီး ခြေလှမ်းတွေ လွဲနေတတ်သေးတယ်။
ဒါပေမယ့် ဒီကောင်ကြီးက ခြေထောက်တွေမရေမတွက်နိုင်အောင်ရှိနေတာ။ ဘယ်လိုများလမ်းလျှောက်သလဲမသိဘူး။ တော်တော်ထူးဆန်းတာပဲ။
ဒီကင်းခြေများ ဒီခြေထောက်က အရင်လှမ်းဟိုခြေထောက်က နောက်မှလမ်းဆိုပြီး သူ့ခြေထောက်တွေကိုသူဘယ်လိုများထိန်းချုပ်လဲ မသိဘူး"
အဲ့ဒါနဲ့ ဖားက ကင်းခြေများကို သွားပြီး ဒီလိုမေးလိုက်တယ်။ "ဒီလောက်များတဲ့ခြေထောက်တွေနဲ့ မင်း ဘယ်လိုလမ်းလျှောက်သလဲကွာ?
ငါ သေသေချာချာ စဉ်းစားကြည့်ပြီးပြီ။ ဒါပေမယ့် ဘယ်လိုမှ တွေးမရဘူး။ ခြေထောက်တစ်ချောင်းချင်းစီကို ထိန်းချုပ်နိုင်ဖို့ဆိုတာ တော်တော်မလွယ်တဲ့ ကိစ္စပဲ"
ကင်းခြေများက "ငါလည်း မွေးကတည်းက ဒီလိုပဲ လျှောက်လာခဲ့တာ။
ဒီကိစ္စနဲ့ပတ်သက်ပြီး တစ်ခါမှ မတွေးဖူးပါဘူး ဘာပဲဖြစ်ဖြစ်မေး လာပြီ ဆိုတော့လည်း အဖြေရှာရမှာပေါ့။
နေဦး ငါစဉ်းစားကြည့်လိုက်ဦးမယ်"လို့ ဆိုပြီး တစ်အောင့်လောက်ရပ်ပြီး တွေးကြည့်နေမိတယ်တဲ့။
အဲ့ဒီအတွေးမျိုးဟာ ကင်းခြေများအတွက် ပထမဆုံးသော အတွေးဖြစ်သလို ဘယ်ခြေထောက်ကို အရင်ရွေ့ရမလဲ။
ဘယ်ခြေထောက်ကိုကျတော့ နောက်မှရွေ့ရမလဲ ဆိုပြီး ခြေထောက်တွေတစ်ချောင်းခြင်းစီနဲ့ စမ်းစစ်ကြည့်လိုက်တဲ့အခါ ခြေလှမ်းတွေမှားကုန်ပြီး တည့်တည့်တောင်လျှောက်လို့မရတော့ပဲ ကို့ယို့ကားယားတွေ ဖြစ်ကုန်ရောတဲ့။
ဒါနဲ့ ကင်းခြေများက ဖားကို " မင်းနောက်တစ်ခါ တခြား ကင်းခြေများတွေကို ဒီလိုမေးခွန်းမျိုး ဘယ်တော့မှ သွားမမေးမိစေနဲ့...နားလည်လား??
ငါ့ဘာသာ ဒီပုံစံအတိုင်း လမ်းလျှောက်လာခဲ့တာ ဘာပြသနာမှမရှိခဲ့ဖူးဘူး။ အခုမင်းမေးခွန်းကြောင့် ငါလမ်းလျှောက်ရတာတောင် ခက်ကုန်ပြီ။ ဘယ်ခြေထောက်အရင်စလှမ်းရမှန်းမသိတော့ဘူး ဘယ်လိုလုပ်မလဲ"?
ကျွန်တော်တို့ လူတွေလည်း ဒီအတိုင်းနေ နေကြတာအေးချမ်းနေကြပါပြီ။ ဒါပေမယ့် တခြားလူတွေကသူတို့ပြသနာအသီးသီးတွေ ယူလာပြီးပြောကြတဲ့အခါ ကိုယ်သွားနားထောင်ပြီး သူတို့နဲ့အတူ သွားပြီး စိတ်ရှုပ်စိတ်ညစ်ရရော။
ဘဝက နေလိုရ စားလိုလောက်ငှနေရင် ဘာမှပူလောင်စရာမရှိပါဘူး။ တခြားလူတွေ ဘဝကောင်းစားနေတာလည်း မြင်ရော ဟိုလူကဒီလိုကောင်းစားနေတာ။
ဒီလူက ဒီလို စိန်ရွှေ ရတနာ ပိုက်ဆံတွေ ချမ်းသာတာ။ အိမ်ရှိတာ ကားရှိတာ ရည်းစားချော ချောလေးရှိတာဆိုတာတွေလည်း မြင်ရော ကိုယ့်ဘာသာကိုယ် လျှောက်ပြီးတွေးတော့နောက်ဆုံးမှာ သောကတွေက ကိုယ့်စိတ်ကိုကူးစက်ပူလောင်စေတော့တာပါပဲ။
ဘယ်သူဘာပြောပြော ကိုယ့်လမ်းကိုယ် မှန်မှန်လေးလျှေက်လှမ်းသွားပါ။
သူများပြောစကားတွေနဲ့ လမ်းမှားမရောက်ပါစေနဲ့... မတွေဝေပါနဲ့
No comments:
Post a Comment